ފޮނަދޫގައި ކީރިތި ޤުރުއާނާބެހޭ މަރުކަޒުގެ ގޮތްޕެއް ޤާއިމުކުރުމާބެހޭ އެއްބަސްވުމުގައި ސޮއިކުރައްވަނި- ފޮޓޯ: ޕީއެސްއެމް
ލ. ފޮނަދޫގައި ކީރިތި ޤުރުއާނާބެހޭ މަރުކަޒުގެ ގޮތްޕެއް ޤާއިމުކުރުމަށް، އެރަށު ކައުންސިލާއެކު އެއްބަސްވުމެއްގައި ސޮއިކޮށްފިއެވެ.
ފޮނަދޫގައި ކީރިތި ޤުރުއާނާބެހޭ މަރުކަޒުގެ ގޮތްޕެއް ޤާއިމުކުރައްވައި، އެތަނުގައި ކޯސްތައް ހިންގަވަން ފެއްޓެވުމާބެހޭ އެއްބަސްވުމުގައި ސޮއިކުރެއްވީ ޤުރުއާނާބެހޭ މަރުކަޒުގެ ރައީސް އިބްރާހީމް ރަޝީދު މޫސާއާއި އަދި ކައުންސިލް ރައީސް މުޙައްމަދު ރިޔާޒެވެ.
މިއެއްބަސްވުމުގެ ދަށުން ލ. ފޮނަދޫގައި ޤާރީ ކޯހުގެ ލެވެލް އެކެއްގެ ކޯސްތަކުން ފެށިގެންދާނެކަމަށް އެމަރުކަޒުން ވިދާޅުވެއެވެ.
މިއަދު ބޭއްވެވި ސޮއިކުރުމުގެ ރަސްމިއްޔާތުގައި އިސްލާމިކް މިނިސްޓަރ ޒިޔާދު ބާޤިރު އަދި، ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަޙީމް ބައިވެރިވެވަޑައިގެންނެވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ