ޑިސެމްބަރުގެ ނިޔަލަށް އެސްޓީއޯއިން އަލް ނޫރު ހިކިކިރުގެ ޕްރޮމޯޝަނެއް

އަލްނޫރު ހިކިކިރުގެ ޕްރޮމޯޝަނެއް ސްޓޭޓް ޓްރޭޑިންގ އޮގަނައިޒޭޝަން، އެސް.ޓީ.އޯއިން ފަށައިފިއެވެ. އެސް.ޓީ.އޯއިން ބުނީ އަލްނޫރު ހޯލްސޭލް އަދި ރީޓެއިލްއަށް ޚާއްސަ ކޮށްގެން ފެށި ޕްރޮމޯޝަން 2 އޯގަސްޓު 2023 އިން ފެށިގެން މިއަހަރުގެ ނިޔަލަށްކުރިޔަށް ދާނެކަމަށެވެ.

އަލްނޫރު ހިކި ކިރުގެ 800 ގުރާމާއި 1800 ގުރާމާއި 2250 ގުރާމުގެ ޕެކެޓު އެސް.ޓީ.އޯއިން އަންނަނީ ވިއްކަމުންނެވެ. މި ޕްރޮމޯޝަންގެ ދަށުން ރީޓެއިލް ކަސްޓްމަރުންނަށް އަލްނޫރު ހިކި ކިރު ޕެކެޓަކާއެކު އަލްނޫރު ލޯގޯޖެހި ކޮލިޓީ ރަނގަޅު ބިއްލޫރިތައްޓެއް ލިބޭނެއެވެ. ހޯލްސޭލް ކަސްޓްމަރުންނަށް 1800 ގުރާމުގެ 3 ކޭސް ގަތުމުން ސުޕަރޝެފް މެޔޮނައިސް ކޭހެއް ލިބޭނެއެވެ.

ހަމައެހެންމެ ހޯލްސޭލް ކަސްޓްމަރުންނަށް 2250 ގުރާމުގެ 3 ކޭސް ގަތުމުން ނަބަޓީ ރިޗީޒް ކޮރންސްޓިކް ޗީޒް ކޭހެއް ލިބުމުގެ އިތުރުން ހޯލްސޭލް ކަސްޓްމަރުން ގަންނަ ކޮންމެ ކޭހަކަށް ކޫޕަނެއް ލިބިގެން ދާނެއެވެ.

އެސް.ޓީ.އޯއިން ބުނީ މުޅި ޕްރޮމޯޝަން ނިމުމުން ހޯލްސޭލް ކަސްޓްމަރުންގެ ތެރެއިން ގުރުއަތުން ހޮވޭ 3 ފަރާތަކަށް 5000 ރުފިޔާގެ މުދާ ލިބިގެން ދާނެކަމަށެވެ. މި ޕްރޮމޯސަން އެސް.ޓީ.އޯގެ ރީޖަނަލްސް ފިހާރަތަކުގައިވެސް ކުރިޔަށް ދާނެއެވެ.

އަލް ނޫރު ހިކި ކިރަކީ ރާއްޖޭގެ ބާޒާރުގައި ލިބެން ހުރި އެންމެ ފެންވަރު ރަނގަޅު އަދި އެންމެ އަގުހެޔޮ ހިކި ކިރުގެ ތެރޭގައި ހިމެނޭ ބްރޭންޑެވެ. އެސް.ޓީ.އޯއިން ބުނީ އެ ކުންފުނީގެ ބޭނުމަކީ މިފަދަ ބްރޭންޑްތައް ވީހާވެސް އަގުހެޔޮކޮށް ފަސޭހައިން ރައްޔިތުންނަށް ގަންނަން ލިބޭނެ ގޮތް ހަމަޖައްސައިދިނުންކަމަށެވެ.

އަލްނޫރަކީ އޮމާންގެ ހިކިކިރު ބަންދުކުރާ އެންމެ ބޮޑު ކުންފުނި، "އޮމާން ފުޑްސްޓަފް"ގެ އުފެއްދުމެކެވެ. މި ކުންފުންޏަކީ މެދު އިރުމަތީގައި ހިކި ކިރު ބަންދުކުރުމުގައި ފާހަގަކޮށްލެވޭ ކުންފުންޏެކެވެ.