އަންނަ ހަފްތާގެ ތެރޭގައި ޕޮއިސް ޕާރފިއުމްގެ އައު ފިހާރައެއް ހުޅުމާލޭގައި ހުޅުވުމަށް ތައްޔާރުވަމުން އަންނަ ކަމަށް ޕޮއިސްގެ ސޭލްސް އެންޑް މާރކެޓިން އެގްޒެކެޓިވް އަބްދުﷲ ހުޝާމް ބުނެފިއެވެ.
ހުޝާމް މިހެން ބުނީ މިހާރު ހުޅުމާލޭގެ ރުއްގަނޑު 2 ސަރަހައްދުގައި ޕޮއިސްއިން ކުރިއަށް ގެންދާ ހަރަކާތާ ގުޅޭގޮތުން ޕީއެސްއެމް ނިއުސްއަށް މައުލޫމާތު ދެމުންނެވެ.
"އެން އިވްނިންގ ވިތް ޕޮއިސް ޕާރފިއުމްސް" އިވެންޓާއި ބެހޭ ގޮތުން ޕީއެސްއެމް ނިއުސްއަށް މައުލޫމާތު ދެމުން ޕޮއިސް ޕާރފިއުމްގެ ސޭލްސް އެންޑް މާރކެޓިން އެގްޒެކެޓިވް އަބްދުﷲ ހުޝާމް ބުނީ މިއިވެންޓް ބޭއްވުމުގެ މައިގަނޑު މަގްސަދަކީ ޕޮއިސްގެ ބްރޭންޑްތައް އެއްތާކުން އާއްމުންނަށް ބަލާލުމުގެ ފުރުސަތު ފަހިކޮށްދިނުން ކަމަށެއެވެ. އޭނާ ބުނީ މިއިވެންޓަށް ބޮޑު ތަރުހީބެއް ލިބެމުންދާކަމަށެއެވެ.
ޕޮއިސްއިން މުޅިން އަލަށް ތައާރަފް ކުރި ތަފާތު އެކި ބްރޭންޑްތަކުގެ މައުލޫމާތު ހިއްސާކުރަމުން ހުޝާމް ބުނީ "ކިޑްސް ފެންޓަސީ" އަކީ ކުޑަކުދިންނަށް އަލަށް ތައާރަފް ކުރެވުނު ބްރޭންޑެއް ކަމަށެއެވެ. މީގެ އިތުރުން "އަފްނާން" ވަޓިކާގެ އަލައް ތައާރަފް ކުރެވުނު ބާވަތްތަކުގެ އިތުރުން މަމީ އާރތް ބްރޭންޑް އޭނާވަނީ ފާހަގަކޮށްފައެވެ.
ހުޝާމް ބުނީ އުންމީދަކީ އާންމުންނަށް ކަމުދާނެ ތަފާތު ވައްތަރުގެ ސެންޓްތައް ނެރުންކަމަށެއެވެ. އަދި މުޅިން އަލަށް އައު ބްރޭންޑްތަކެއް ނެރުމަށް މަސައްކަތް ކުރަމުންދާކަމަށްވެސް ހުޝާމް ފާހަގަކުރިއެވެ. ހުޝާމް ބުނީ ޕޮއިސް އިން ހުޅުމާލޭގައި ދިރިއުޅޭ ފަރާތްތަކަށް ޚާއްސަކޮށްގެން ހުޅުމާލޭގައި ޕޮއިސްގެ ފިހާރައެއް ކުރިއައް އޮތް ހަފްތާއެއްހާ ދުވަސްތެރޭ ހުޅުވުމުގެ މަސައްކަތް ކުރަމުންދާކަމަށެވެ.
" ވަރަށް އުފާވެރި ޚަބަރެއް ހުޅުމާލޭގައި ދިރިއުޅޭ ފަރާތްތަކަށް ޚާއްސަކޮށްގެން އަޅުގަނޑުމެން މިއަންނަ ހަފްތާގައި ޕޮއިސްގެ އައުޓްލެޓެއް ހުޅުމާލޭގައި ހުޅުވުމުގެ މަސައްކަތް ކުރަމުން މިދަނީ " ހުޝާމް ބުންޏެއެވެ.
ޕޮއިސްއިން ހުޅުމާލޭގައި ކުރިއަށްދާ ހަރަކާތުގެ ތެރޭގައި ޕޮއިސްގެ މައިގަނޑު 14 ބްރޭންޑެއް ތަޖުރިބާ ކޮށްލުމުގެ ފުރުސަތު އާއްމުންނަށްވަނީ ހުޅުވާލާފައެވެ. އެގޮތުން މި ބްރޭންޑްތަކަށް ޚާއްސަކޮށް ސްޓޯލްތައްވަނީ ބަހައްޓާފައެވެ.
މި ހަރަކާތަށް ޒިޔާރަތްކުރާ ފަރާތްތަކަށް އެތަނުގައި ހިންގާ އެކިއެކި ހަރަކާތްތަކުގައި ބައިވެރިވެގެން ޑިސްކައުންޓް ވައުޗަރާޢި ހަދިޔާވެސް ލިބޭނެ އިންތިޒާމްވަނީ ހަމަޖައްސާފައެވެ. އަދި މިހަރަކާތަށް ޒިޔާރަތްކުރާ ފަރާތްތަކަށް ރަޖިސްޓްރީވެލައިގެން ޕޮއިސްގެ ޑިސްކައުންޓް ކާޑެއްވެސް ލިބެއެވެ.
ޕޮއިސްއިން ހުރިހާ އުމުރުފުރާއަކަށް ޚާއްސަ ބްރޭންޑްތަކުގެ ސެންޓް ލިބެން ހުރެއެވެ.
ޕޮއިސްއިން ގެންދަނީ ރާއްޖޭގެ އެކި ކަންކޮޅުތަކުގައި ތިބި ރީޓެއިލް ކަސްޓަމަރުން މެދުވެރިކޮށް ކޮންމެ އަހަރަކު ވެސް ތަފާތު ޕްރޮމޯޝަންތައް ކުރިއަށްގެން ދެއެވެ.
ޕޮއިސްގެ ފުރަތަމަ ފިހާރަ މާލޭގައި ހުޅުވީ 9 ސެޕްޓެމްބަރ، 2009 ގައި މާލޭ ރަށްދެބައި މަގުގައެވެ. މިހާރު ޕޮއިސްގެ އިތުރު ޝޯވް ރޫމްތަކާއި ފިހާރަތައް މާލެއާއި އަތޮޅުތެރޭގެ އެކި ސަރަހައްދުގައިވަނީ ހުޅުވާފައެވެ.