ނޭޝަނަލް އިންޓަގްރިޓީކޮމިޝަންގެ މެމްބަރުކަމަށް އައްޔަން ކުރެއްވުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވަވާފައިވާ ނަންފުޅަށް ރައްޔިތުން މަޖިލީހުގެއިއްތިފާގުން މިއަދު ރުހުން ދެއްވައިފިއެވެ.
އެންއައިސީގެ މެމްބަރުކަމަށްރައީީސުލްޖުމްހޫރިއްޔާ ރުހުން ހޯއްދެވުމަށް ފޮނުއްވަވާފައިވަނީ ސ. ފޭދޫ ކަރަންކާވިލާ، އަޙުމަދު އަމީންގެ ނަންފުޅެވެ. އޭނާއަށް ރުހުން ދޭން ފެންނަކަމަށް ފާސްވީ 58 މެމްބަރުންގެ އިއްތިފާޤުންނެވެ.
އެންއައިސީ ޤާނޫނުގައި ވާގޮތުން އެކޮމިޝަންގެ މެމްބަރުކަމަށް 5 މެމްބަރުން އައްޔަން ކުރައްވަން ޖެހެއެވެ. އެންއައިސީގައި މިހާރު ތިއްބަވަނީ 4 މެމްބަރުންނެވެ. އެ 4 މެމްބަރުންނަށް މަޖިލީހުންރުހުން ދެއްވާފައި ވަނީ މިދިޔަ އަހަރުގެ އޮކްޓޯބަރު މަހުގެ 13 ވަނަ ދުވަހުއެވެ.
ނޭޝަނަލް އިންޓެގްރިޓީ ކޮމިޝަން އެކުލެވިގެންވަނީ ފުލުހުންނާއި އިމިގުރޭޝަންގެއިތުރުން މޯލްޑިވްސް ކަރެކްޝަނަލް ސާވިސް އަދި މޯލްޑިވްސް ކަސްޓަމްސް ސާވިސް ހިމެނޭގޮތަށެވެ. އެ ކޮމިޝަނުގެ މަސްއޫލިއްޔަތުތަކުގެ ތެރޭގައި ޤާާނޫނު ތަންފީޒުކުރާ އިދާރާތަކާއި އެ އިދާރާތަކުގެ މުވައްޒަަފުން ކުރާ ޤާާނޫނާ ޚިލާފު ޢަމަލުތައް ބަލާ ތަހުޤީޤު ކުރުމާއި، އެފަދަ ޢަމަލުތަކަށް ކުރެވޭ ތުހުމަތުތައް ބަލައި ތަހުޤީޤުކުރުމެވެ.