މަތިވެރި ދާއިރާގެ މެމްބަރު ޙަސަން ޒަރީރު، ފޮޓޯ: މަޖިލިސް
ރައްޔިތުންގެ މަޖިލީހުގެ މަތިވެރި ދާއިރާގެ މެންބަރު ޙަސަން ޒަރީރަށް ބަޔަކު ހަމަލާދީ ޒަޚަމްކޮށްލައިފިއެވެ.
ފުލުހުން ވިދާޅުވީ މެންބަރު ޒަރީރަށް ބަޔަކު ހަމަލާ ދީފައިވަނީ ނުރައްކާތެރި ހަތިޔާރެއްގެ ގޮތުގައި ބޭނުންކުރާ އެއްޗެއް ބޭނުންކޮށްގެންކަމަށެވެ. ނަމަވެސް ޙަމަލާދިނީ ކޮން އެއްޗަކުންކަމެއް ފުލުހުން ވިދާޅެއް ނުވެއެވެ. މެންބަރު ޒަރީރަށް ޙަމަލާދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށް ކަމަށް ފުލުހުން ވިދާޅުވިއެވެ. އަދި އެ މަޢުލޫމާތު ފުލުހުންނަށް ލިބިފައިވަނީ ފަތިހު 05:08 ހާއިރުކަމަށެއެވެ.
ފުލުހުން ވިދާޅުވި މި ޙަމަލާއާ ގުޅިގެން މެންބަރު ޒަރީރަށް ލިބިވަޑައިގެންނެވި އަނިޔާއަށް އޭޑީކޭ ހޮސްޕިޓަލްގައި ފަރުވާދެމުން އަންނަކަމަށެވެ.
މި މައްސަލަ ފުލުހުން ގެންދަވަނީ ތަޙްޤީޤް ކުރައްވަމުއްނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ