އަންނަ މަހު ނެޓްފްލިކްސް އިން ޕްރީމިއާކުރަން ހަމަޖެހިފައިވާ ސިދާތު މަލްއުތުރާގެ ފިލްމު "މިޝަން މަޖްނޫ" ގެ ޓީޒާއެއް ދައްކާލައިފިއެވެ.
ސިދާތާއެކު މި ފިލްމުގެ ބަތަލާގެ ރޯލު ކުޅެނީ ދެކުނުގެ ކާމިޔާބު ފިލްމު "ޕުޝްޕާ" ގެ ތަރި ރަޝްމިކާ މަންދަންއެވެ. ރިޕޯޓްތައް ބުނާ ގޮތުން "މިޝަން މަޖްނޫ" ގައި އޭނަ ފެންނާނީ ލޯފަން ކެރެކްޓާއަކުންނެވެ. އަދި އޭނާ ފެންނާނީ ޕާކިސްތާނުގެ މުސްލިމު އަންހެން ކުއްޖެއްގެ ރޯލުންނެވެ. ރަޝްމިކާގެ ފުރަތަމަ ބޮލީވުޑް ފިލްމަކީ އޮކްޓޯބަރުގައި ރިލީޒްކުރި އަމީތާބް ބައްޗަންއާއި އެކު ފެނުނު "ގުޑް ބާއި" އެވެ.
ސިދާތް އާއި ރަޝްމިކާ ފުރަތަމަ ފަހަރަށް އެކުގައި ފެންނަ "މިޝަން މަޖްނޫ" މި ފިލްމަކީ 1970 ގެ ވާހަކައެއް ކިޔައިދޭ އެކްޝަން ތުރިލާއެކެވެ. އިންޑިއާގައި މިހާތަނަށް ކުރިއަށް ގެންދިޔަ އެންމެ ވަރުގަދަ ކަވަޓް އޮޕަރޭޝަނަށް ބިނާކޮށް ހަދާފައިވާ "މިޝަން މަޖްނޫ" އަކީ ސިދާތުގެ ވަރުގަދަ އެކްޝަން ރޯލެއް ފެންނާނެ އެއްޗެކެވެ. އަދި މިއީ ސްޕައި އެއްގެ ރޯލުން ސިދާތް ފެންނަ ފުރަތަމަ ފިލްމެވެ.
2019 ވަނަ އަހަރު ދެއްކި ކާމިޔާބު ވަތަނީ ފިލްމު "އުރީ: ދާ ސާޖިކަލް ސްޓްރައިކް" ގެނެސްދިން ޕްރޮޑިއުސަރު ރޯނީ ސްކްރޫވާލާ ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ ޝަންތަނޫ ބަގްޗީ އެވެ.
Iss Majnu ke kaam karne ka tarika alag hai
— Sidharth Malhotra (@SidMalhotra) December 16, 2022
Presenting the Official Teaser for MISSION MAJNU
Only on Netflix, 20th Jan, 2023.
#MissionMajnu #DeshKeLiyeMajnu #NetflixIndia@SidMalhotra @iamRashmika @NetflixIndia @RonnieScrewvala @amarbutala #GarimaMehta @RSVPMovies pic.twitter.com/9wFOtVURP4
"މިޝަން މަޖްނޫ" ގެ ކާސްޓްގައި ޕަރްމޭތު ސޭތީ، ކުމުދު މިޝްރާ، ޒާކިރު ހުސައިން، ޝާރިބް ހާޝިމީ އަދި ރަޖިތު ކަޕޫރް ވެސް ހިމެނެއެވެ.
މިދިޔަ އަހަރު ގެނެސްދިން ސިދާތްގެ ޕީރިއޯޑިކް ވޯ ފިލްމު "ޝޭރްޝާހް" އަށް ވަނީ ވަރަށް ބޮޑު ތަރުހީބެއް ލިބިފައެވެ. "މިޝަން މަޖްނޫ" އަކީވެސް ހަމަ އެކަހަލަ ފިލްމެކެވެ. އެހެންވެ ސިދާތްގެ ފަރާތުން މި ފިލްމަށްވެސް ކުރާ އުންމީދު ބޮޑެވެ. މި ފިލްމު ނެޓްފިލްކްސް އިން ޕްރިމިއަރ ކުރާނީ އަންނަމަހުގެ 20 ވަނަ ދުވަހުއެވެ.
މިދިޔަ އޮކްޓޫބަރު މަހު ރިލީޒްކުރި ކޮމެޑީ ފިލްމު "ތޭންކް ގޯޑް" އިން އެންމެ ފަހުން ފެނުނު ސިދާތްގެ ދެން އެންމެ އަވަހަށް ފެންނާނީ ދިޝާ ޕަޓާނީ އާއި ރާޝީ ޚާނާއާ އެކު ސިދާތް ފެންނަ ދަރްމާ ޕްރޮޑަކްޝަންސްގެ "ޔޯދާ އިންނެވެ. މި ފިލްމު ރިލީޒްކުރަން އަދި ތާވަލުކޮށްފައި ވަނީ އަންނަ އަހަރުގެ ޖުލައި މަހުގެ 7 ވަނަ ދުވަހު އެވެ. އެމެޒޯން ޕްރައިމް ވީޑިއޯ އިން ސްޓްރީމް ކުރާ ރޯހިތު ޝެޓީ ޑައިރެކްޓް ކުރާ ވެބް ސީރީޒް "އިންޑިއަން ޕޮލިސް ފޯސް" އަކީވެސް ސިދާތްގެ ސޮއިކޮށްފައިވާ އެއްޗެކެވެ. މި ފިލްމުގައި ޝިލްޕާ ޝެޓީ އާއި ވިވެކް އޮބެރޯއީ ވެސް ލީޑް ރޯލުން ފެންނާނެއެވެ.
އަނެއްކޮޅުން ރަޝްމީކާ ދެން އެންމެ އަވަހަށް ފެންނާނީ ރަންބީރު ކަޕޫރާއި އަނިލް ކަޕޫރާއި އެކު ފެންނަ "އެނިމަލް" އިންނެވެ. ކުޅެ އެވެ. ތަލަޕަތީ ވިޖޭއާ އެކު ރަޝްމިކާ ފެންނަ ތަމަޅަ ފިލްމު "ވަރިސޫ" އަކީވެސް އޭނާގެ ކުރިއަށް އޮތް ފިލްމެކެވެ.