އަލްގޮރިދަމިކް ގްލޯބަލްގެ ގޮތްޕެއް ރާއްޖޭގައި ފަށައިފިއެވެ.
މިއީ ޒަމާނީ ޓެކްނޮލޮޖީއަށް ކުޑަކުދިން ޝައުގުވެރިކުރުމަށް ކުރިއަށްގެންދާ ބައިނަލްއަޤްވާމީ ޕްރޮގްރާމެކެވެ.
"އަލްގޮރިދަމިކް ގްލޯބަލް"ގެ ރާއްޖޭގެ ގޮފި އިފްތިތާޙުކޮށްދެއްވީ ރައިސުލްޖުމްހޫރިއްޔާ އިބްރާޙިމް މުޙައްމަދު ޞާލިޙުގެ އަނބިކަނބަލުން ފަޒްނާ އަޙުމަދުއެވެ. މި ގޮފި ހުޅުވުމަށް ބޭއްވި ހަފްލާގައި މިނިސްޓަރ އޮފް އެންވަޔަރަމަންޓް އެންޑް ޓެކްނޮލޮޖީ އާމީނަތު ޝައުނާވެސް ބައިވެރިވެ ވަޑައިގެންނެވިއެވެ.
އަލްގޮރިދަމް ގްލޯބަލް ނެޓްވޯކަކީ 6-17 އަހަރާ ދެމެދުގެ ކުދިން، އިންފޮމޭޝަން ޓެކްނޮލޮޖީގެ ދާއިރައަށް ޝައުގުވެރިކަން އުފެއްދުމަށް އުފައްދާފައިވާ ބައިނަލްއަޤްވާމީ ނެޓްވޯކެކެވެ.
މީގެ އެންމެ ބޮޑު ބޭނުމަކީ މަޖާ، ޝައުގުވެރި މާޙައުލެއްގެ ތެރެއިން ކުދިންނަށް އުންގެނުމުގެ ފުރުޞަތު ފަހިކޮށްދިނުމެވެ.
މި ޕްރޮގްރާމްގެ ތެރެއިން ކުޑަކުދިންގެ އެކި އުމުރުފުރާތަކަށް، އެ އުމުރުފުރައާއި ގުޅޭގޮތުން ކޯސްތައް ހިންގައެވެ. އެގޮތުން ކޮމްޕިއުޓަރ ޕްރޮގްރާމިންގ، ކޯޑިންގ، ގްރެފިކް ޑިޒައިނިން، ޑިޖިޓަލް ލިޓްރަސީ، ވިޝުއަލް ޕްރޮގްރާމިންގ، ވޯޑިއޯ ކޮންޓެންޓް މޭކިން އަދި ކްރިޓިކަލް ތިންކިންގެ ހުނަރުތައް ދަސްކޮށްދެއެވެ.
މީގެ އެންމެ މުހިންމުކަމަކީ، ގިނަ ކުދިންތަކެއް ބައްދަލުވެ، މުޖުތަމަޢުއަށް ހޭލުންތެރިވުމެވެ. އަދި ކުރިމަގުގައި ޓެކްނޮލޮޖީގެ ދާއިރާއިން ހުޅުވޭ ފުރުޞަތުތަކަށް، ކުދިންގެ އީޖާދީ ވިސްނުން ބޭނުންކޮށް އެކި ކަހަލަ އުފެއްދުންތައް އުފެއްދުމެވެ. އެގޮތުން ވެބްސައިޓާ އެޕްލިކޭޝަންސް އަދި ޝޯޝާލް މީޑިއާ މެދުވެރިކޮށް މި ކުދިންގެ ޓެކް އުފެއްދުންތައް އެހެން މީހުންނަށް، ދައްކާލުމުގެ ފުރުޞަތު ފުޅާ ދާއިރާއެއްގައި ލިބިގެންދާނެއެވެ.
އަލްގެރަދަމިކް ގްލޯބަލްގެ ޕްރޮގްރާމްތައް ދުނިޔޭގެ 70އަށްވުރެ ގިނަ ޤައުމުގައި ހިންގަމުން އާދެއެވެ. އަދި 300000އަށްވުރެ ގިނަ ކުދިން، މި ނެޓްވޯކް މެދުވެރިކޮށް އުނގެނެމުންދެއެވެ.