މިއަހަރުގެ އޯލެވެލް އިމްތިހާންތަކުގެ ނަތީޖާ ދޫކުރަން ފަށައިފިއެވެ.
މިއަހަރުގެ މެއިޖޫންގައި ކުރިއަށްގެންދިޔަ އޯލެވެލް އިމްތިޙާނުގެ ނަތީޖާ ދޫކުރަން ފަށާފައިވަނީ މިއަދު މެންދުރު 12 ޖެހި އިރުގައެވެ. ފަސް ހާހަށްވުރެ ގިނަ ދަރިވަރުން ބައިވެރިވި މި އިމްތިޙާނުގެ ނަތީޖާ ކޮންމެ ދަރިވަރަކުވެސް އިމްތިޙާނުގައި ބައިވެރިވި މަރުކަޒަކުން ދޫކުރާނެކަމަށް ޑިޕާޓްމަންޓް އޮފް ޕަބްލިކް އެގްޒެމިނޭޝަނުން ވިދާޅުވެއެވެ. އަދި އަންނަ ސެޕްޓެމްބަރު މަހުގެ 21ގެ ކުރިން ޕޭޕަރުތައް ޗެކްކުރަން ބޭނުންވާ ދަރިވަރުންނަށް އެފުރުސަތު އޮންނާނެކަމަށް އެޑިޕާޓްމަންޓުން ވިދާޅުވެއެވެ.
މިއަހަރުގެ ކެމްބްރިޖް އޯލެވެލް، އައި.ޖީ.ސީ.އެސް.އީ އިމްތިޙާން ހެދުމަށްޓަކައި މުޅިއެކު 236 މަރުކަޒަކުން 5936 ދަރިވަރުން ބައިވެރިވެފައިވެއެވެ. އެސް.އެސް.ސީ އިމްތިޙާނު ހެދުމަށްޓަކައި 233 މަރުކަޒަކުން 5640 ދަރިވަރުން ވަނީ މިއަހަރު ބައިވެރިވެފައެވެ.