ދީނާ ޚިލާފުކަމެއް ހުރިކަމަށް ފާހަގަވި ފޮތަށް އިސްލާހު ގެނެސްފައިވާކަމަށް އެޑިއުކޭޝަން މިނިސްޓްރީން ވިދާޅުވެއްޖެއެވެ.
މިކަން ފާހަގަވީ ގްރޭޑް އަށެއްގެ އިނގިރޭސި ފޮތަކުންނެވެ.
އެޑިއުކޭޝަން މިނިސްޓްރީން ވިދާޅުވީ ދީނާ ޚިލާފުކަމެއް ފާހަގަވީ 2014ވަނަ އަހަރު ޗާޕުކޮށް ބޭނުންކުރަމުން އައި ފޮތަކުންކަމަށެވެ. އެކަން މިނިސްޓްރީގެ ސަމާލުކަމަށް އައުމާއެކު އަލަށް ޗާޕްކުރި ފޮތްތަކުގައި އެކަން އިސްލާހުކޮށްފައިވާނެކަމަށް އެ މިނިސްޓްރީން ވިދާޅުވިއެވެ.
ނަމަވެސް ސްޓޮކުގައި ކުރީގެ ޗާޕުގެ ގިނަ އަދަދެއްގެ ކޮޕީ ހުރުމުން އެފޮތް ދަރިވަރުންނަށް ދިނުމަށް ގިނަ ސްކޫލުތަކަކަށް މިހާރު ފޮނުވިފައިވާކަމަށް މިނިސްޓްރީން ވިދާޅުވިއެވެ. އެގޮތުން ފޮތްތައް ދޭއިރު މައްސަލަ ހުރިބައި އުނިކުރުމަށް ސްކޫލުތަކަށް އިރުޝާދު ދީފައިވާނެކަމަށް އެޑިއުކޭޝަނުން ވިދާޅުވިއެވެ.
އެޑިއުކޭޝަން މިނިސްޓްރީން ވިދާޅުވީ ބެލެވޭ ގޮތުގައި މިހާރު ދައުރުވަމުންދާ ފޮޓޯއަކީ ކުރީގެ ފޮތެއްގެ ފޮޓޯއެއްކަމަށެވެ.
މިފަދަ މައްސަލަތައް ސްކޫލު ކުދިންގެ ފޮތްކަތުން ފާހަގަކުރެވިގެން މީގެ ކުރިން ވެސް ވަނީ އިސްލާހު ގެނެސްފައެވެ.