ޕާކިސްތާނުގެ ޔުނިވަރސިޓީއަކަށް ހުސްވި ހަފްތާގައި ދިންހަމަލާގައި ބައިވެރިވިކަމަށް ބެލެވޭ 4 ހަނގުރާމަވެރިންގެ ވީޑިއޯ ޕާކިސްތާނު ޠާލިބާނުންގެ އިސްވެރިއެއް އާންމުކޮށްފިއެވެ.ޕާކިސްތާނުގެ ހުޅަނގު އުތުރުގެ ޚައިބަރު ޕަޚްތުންޚުވާ ޕްރޮވިންސްގައި ހުންނަ ބަޗާ ޚާން ޔުނިވަރސިޓީއަށް ހަނގުރާމަވެރިންގެ ބަޔަކު ދިން ޙަމަލާއެއްގައި ވިއްސަށް ވުރެ ގިނަ މީހުން މަރުވެ، އެތައް ބަޔަކުވަނީ ޒަހަމްވެފައެވެ.މި ވީޑިއޯއާއެކު ތާލިބާނުންގެ މެދުގައި ދެބަސްވުންތަކެއް އުޅޭ ކަމަށް ދެކެވޭ ވާހަކަތަކަށް އިތުރު ބާރެއް ވަނީ ލިބިފައެވެ. މިހަމަލާތައް ދިންތާ އިރުކޮޅެއްގެ ތެރޭގައި މިކަންކުރިކަމުގެ ޒިންމާ ޠާލިބާނުގެ އިސް އޮފިޝަލަކު ނެގިކަމުގައި ވިޔަސް ފަހުން އެޖަމާޢަތުގެ ތަރުޖަމާނަކުވަނީ މިއީ ޠާލިބާނުން ދިން ހަމަލާއެއް ނޫންކަމަށާއި، މިއީ އިސްލާމީ އުސޫލުތަކާއި ޚިލާފު އަމަލެއްކަމަށް ބުނެފައެވެ.މި ވީޑިއޯގައި ވާހަކަދައްކަމުން ތާލިބާނުންގެ އިސް ކޮމާންޑަރެއް ކަމުގައިވާ މަންސޫރު ބުނެފައިވަނީ ތާލިބާނުން ކޯޓުގެ ފަނޑިޔާރެއް ނުވަތަ ސަރުކާރުގެ އިސް އޮފިޝަލަކަށް ހަމަލާދިނުމުގެ ބަދަލުގައި ދެން ހަމަލާތައް އަމާޒުކުރާނީ މިފަދަ މީހުން އުފައްދަމުންދާ ޔުނިވާސިޓީއާއި ސްކޫލްތަކަށް ކަމަށެވެ.ޠާލިބާނުންގެ ހަމަލާ އަމާޒުކުރި ޔުނިވަރސިޓީއަކީ 2014 ވަނަ އަހަރުގެ ޑިސެމްބަރ މަހު ޠާލިބާނުން ނުރައްކާތެރި ހަމަލާތަކެއް އަމާޒުކޮށްފައިވާ ސްކޫލަކާއި މާ ދުރުނޫން ހިސާބެއްގައި ހުންނަ ޔުނިވަރސިޓީއެކެވެ.