މާލޭގެ މަގެއްމަތީގައި މަރުވެފައި އޮއްވާ ފެނުނު ޙައްވާ ޒުހާގެ މަރުގެ މައްސަލާގައި ބަނގްލަދޭޝްގެ ރައްޔިތަކު ހައްޔަރުކޮށްފިއެވެ.
ފުލުހުން ވިދާޅުވީ މި މިހާ ހައްޔަރުކުރީ ކޯޓް އަމުރެއްގެ ދަށުން އިއްޔެރޭކަމަށެވެ. އަދި މި މީހާގެ ބަންދަށް ކޯޓުން 15 ދުވަސް ޖަހާދީފައިވާކަމަށްެވެސް ފުލުހުން ވިދާޅުވެއެވެ.
ގަލޮޅު ދޫހިމެރި މަގު ގޯޅިއެއްގެތެރޭގައި މިމަހުގެ ހަވަނަ ދުވަހުގެރޭ ޒުހާ މަރުވެފައި އޮއްވާ ފެނުނު މައްސަލާގައި މީގެ ކުރިން 2 ދިވެއްސަކު ހައްޔަރުކޮށްފައިވެއެވެ. ކޯޓު އަމުރެއްގެ ދަށުން ފުލުހުން ހައްޔަރުކޮށްފައިވަނީ އުމުރުން 28 އަހަރުގެ ދިވެހި ފިރެހެނަކާއި، އުމުރުން 50 އަހަރުގެ ދިވެހި އަންހެނެކެވެ.
ޙައްވާ ޒުހާގެ މަރުގެ ތަހުޤީގަށް މިމަހުގެ ނުވަވަނަ ދުވަހު އޭނާގެެ ހަށިގަނޑު އިންޑިއާއަށް ފޮނުވާ ޕޯސްޓްމޯޓަމް ހަދާފައިވެއެވެ. އެހެންނަމަވެސް ޕޯސްޓްމޯޓަމް ރިޕޯޓް އަދި ލިބިފައިނުވާކަމަށް ފުލުހުން ވިދާޅުވެއެވެ.