އިސްރާއީލުގެ ކުރީގެ ރައީސް ޝިމޯން ޕެރޭޒަށް ކުރިމަތިވެވަޑައިގެންނެވި ހިތްޕުޅުގެ އާލާސްކަންފުޅަކަށް ހޮސްޕިޓަލުން ފަރުވާ ހޯއްދަވައިފިއެވެ.އިސްރާއީލުގެ މަސްއޫލުވެރިން ވިދާޅުވިގޮތުގައި އުމުރުން 92 އަހަރުގެ ޕެރޭޒަށް މިއަދު ކުރިމަތިވެ ވަޑައިގެންނެވި ހިތްޕުޅުގެ އާލާސްކަންފުޅަކާ ގުޅިގެން އޭނާވަނީ ކުއްލި ޙާލަތުގައި ހޮސްޕިޓަލުގައި އެޑްމިޓްކޮށްފައެވެ. ޕެރޭޒަށް ފަރުވާދޭ ޑޮކްޓަރުންނާ ޙަވާލާދީ ރޮއިޓާސްއިން ޚަބަރުދޭގޮތުގައި ޕެރޭޒްގެ ޙާލުކޮޅު މިހާރު އަންނަނީ ރަނގަނޅުވަމުންނެވެ.ޕެރޭޒަކީ ޕޮލެންޑުން ފަލަސްތީނުގެ ބިމަށް ޙިޖްރަކުރެއްވި ބޭފުޅެކެވެ. އޭނާ އެތަށް ފަހަރެއްގެ މަތިން އިސްރާއީލުގެ ބޮޑުވަޒީރުކަން ކުރައްވާފައިވެއެވެ. އަދި ދެދައުރެއްގައި އިސްރާއީލުގެ ރައީސްކަންވެސް ކުރައްވާފައިވެއެވެ.ޕެރޭޒަކީ މީގެކުރިންވެސް ހިތްޕުޅުގެ އާލާސްކަންފުޅަކަށް ފަރުވާ ހޯއްދަވާފައިވާ ބޭފުޅެކެވެ. ޕެރޭޒްގެ ބޮޑުވަޒީރުކަމުގައި އިސްރާއީލުން ފަލަސްތީނާ ދެކޮޅަށް ބޮޑެތި ޢުދުވާންތަކެއް ހިންގައި ފަލަސްތީނުގެ އެތަށް ބަޔަކު ޝަހީދުކޮށްލާފައިވެއެވެ.